Í kynbótadómi hlaut Ágústínus 8,93 fyrir kosti en samt er það flestra mat sem hafa séð hann hjá Daníel að hann hefur tekið áframhaldandi þjálfun mjög vel og hefur hann bætt sig talsvert frá því að hann var sýndur þá 6.vetra, enda er það oft með afkomendur Kolfinns að þau eru að bæta sig langt fram eftir aldri og oft best um 8 vetra aldurinn.

Það verður gaman að sjá þá félagana koma fram á næsta ári en stefnan er tekin á A-flokk á LM2011 og mögulega að sýna hann einnig á kynbótabrautinni.

Vegan mikilla vinsælda verður fyrsta sónarskoðun undan honum um mánaðarmótin Júlí/ágúst en fram að því er allt lok og læs en áhugasömum ræktendum er bennt á að fylgjast með hér á síðunni hafi þeir áhuga á að koma hryssu undir hann um mánaðarmótin.

Upplýsingar veitir Óðinn í síma 866-1230

9,5 fyrir tölt

Stóðhesturinn Dugur frá Þúfu verður til afnota á suðurlandi í sumar.

Stefnan er tekin á B-flokk í vor og ljóst að þar fer sterkur klárhestur sem líklegast mun skipa sér meðal þeirra fremstu.

Dugur hefur hlotið mjög háan kynbótadóm 8,39 fyrir sköpulag þar af 8,5 fyrir háls, bak/lend og samræmi auk þess að hafa fengið 9,0 fyrir hófa. Fyrir kosti hlaut hann 8,56 sem klárhestur þar af 9,5 fyrir tölt og feg.reið og 9,0 fyrir brokk, vilja/geðslag og hægt tölt og hægt stökk.

Dugur er undan Sveini-Hervari frá Þúfu og Orradóttur. Dugur á eins sýnda alsystir sem hefur hlotið 8,14 í aðaleinkun.

Talsvert af topp hryssum hafa átt afkvæmi með Dug eins og Björk frá L-Tungu, Frigg frá Miðsitju og Dama frá Vestri-Leirárgörðum.

Eigandi Dugs er Danskur, Micael Lennartz og er stefnan að taka hestinn út til Danmerkur á næstu misserum, þannig að ekki er alveg ljóst hvort þetta verður síðasta sumarið sem Dugur stendur íslenskum ræktendum til boða.

Dugur er með mjög gott brokk (9,0)

Gott brokk 9,0

Hann er mjög hágengur og taktviss á hægu

Fasmikill á hægu 9,0

Vígalegur á tölti

Ágústínus frá Melaleiti er að komast í form en hann hefur verið í þjálfun hjá Daníel Jónssyni síðan í fyrra og var þá strax tekin stefnan á LM2010.

Ágústínus er sonur Kolfinns frá Kjarnholtum en Ágústínus er hæst dæmda afkvæmi Kolfinns með 8,93 fyrir hæfileika og 8,13 fyrir sköpulag.

Ganghæfileikar hestsins eru með þeim bestu sem þekkjast og er Kolfinnur þekktur fyrir afkvæmi með mikið gangrými og fer þar Ágústínus þar fremstur í flokki. Hann hefur hlotið 8,5 fyrir tölt, 9,5 fyrir brokk, 9,0 fyrir skeið og 9,5 fyrir vilja/geðslag.

Hver veit nema að hægt verði að gera enn betur í vor?

Töltið er eins og best verður en það er sennilega enginn alhliða hestur til með annað eins brokk. Hann hlaut 9,5 fyrir brokk en rýmið, spyrnan og svifið er alveg ótrúlegt. Eins og sjá má á myndinni hér fyrir neðan þá er hann um 1meter yfir jörðu og ferðinn á við fljótann skeiðhest.

Sannarlega á flugabrokki

Aðall íslenska hestsins er flugavekurð og vanntar það ekki á þessum bænum. Ágústínus er með vakrari hestum enda hlaut hann 9,0 fyrir skeið.

Kraftur og spyrna

Flugaskeið

Ágústínus er fallegur hestur (8,13 fyrir sköpulag) og er hann bæði framfallegur, bolléttur og lofthár.

Framfallegur og bolléttur

Það verður gaman að fylgjast með þeim félögunum í sumar.

Loki frá Selfossi

Í gær var 4-gangur í meistaradeild VÍS og er það með ólíkindum í hve góðu formi hrossin eru miðað við árstíma en þó bera sum hrossin þess merki að ekki er alveg búið að stilla þau af að fullu.

Af þeim hrossum sem ekki komust í úrslit þá fannst undirrituðum Hruni frá Breiðumörk koma vel fyrir en mistök urðu til þess að ekki komst hann áfram bæði stökk hann upp á yfirferðinni og svo voru tæknilegar villur í uppsetningu sem varð til þess að hann fékk ekki einkunn. Artemisia Bertus á Hersveini frá Lækjarbotnum áttu góða sýningu og er þar á ferðinni mjög góður knapi sem klárlega hefur sýnt að hún getur skipað sér í röð með þeim bestu og gaman er að fylgjast með því hve áferðarfallega og góða reiðmennsku þær stöllur í liði Auðsholtshjáleigu sýna. Jakob Sigurðsson kom fram með mjög álitlegan hest sem var að keppa í sinni fyrstu keppni en hann heitir Goggur frá Skáney og lentu þeir í 11.sæti.

Gola frá Þjórsárbakka

Prýðishross voru í B-úrslitum en þar vann Náttar frá Þorláksstöðum sig upp en mér fannst hann vera betri í fyrra og er það einkum brokk og stökk sem er ekki eins gott og það var þá.

En tvö hross báru af að mínu mati í A-úrslitum en það voru þau Loki frá Selfossi og Gola frá Þjósárbakka. Loki var í sinni fyrstu keppi og ljóst er að þar fer hestur sem skipa mun sér meðal þeirra bestu í framtíðinni. Hann er samt enn aðeins óslípaður en með meiri reynslu mun það eflaust koma. Hef ég einnig trú á að Loki gæti sómt sér vel í B-flokki.

Gola var í góðum gír hjá Lenu Zielinski og eins og ég hef sagt í fyrri pistlum þá er hún frábær í að móta hross í frábæran höfuð- og fótaburðburð en samt má segja að meiri léttleiki mætti þó vera í reiðmennskunni þar sem hrossið fengi frjálsari tauminn.

A-úrslit
Sæti Nafn Lið Hestur Aðaleink.
1 Lena Zielinski Lýsi Gola frá Þjórsárbakka 7,47
2 Hulda Gústafsdóttir Árbakki / Hestvit Kjuði frá Kirkjuferjuhjáleigu 7,37
3 Sigurður Sigurðarson Lýsi Loki frá Selfossi 7,33
4 Hinrik Bragason  Árbakki / Hestvit Náttar frá Þorláksstöðum 7,30
5 Eyjólfur Þorsteinsson Málning Klerkur frá Bjarnanesi 1 7,23
6 Guðmundur Björgvinsson Top Reiter Hljómur frá Höfðabakka 7,03
7 Sigurður V. Matthíasson Málning Kall frá Dalvík 6,83 B-úrslit

Náttar frá Þorláksstöðum

B-Úrslit
7 Hinrik Bragason Árbakki / Hestvit Náttar frá Þorláksstöðum 7,13
8 Þorvaldur Á. Þorvaldsson Top Reiter Goði frá Hvoli 6,80
9 Valdimar Bergstað Málning Skáti frá Skáney 6,77
10 Sigurbjörn Bárðarson Lífland Líf frá Möðrufelli 6,73

Bylgja frá Dísarsstöðum

11 Jakob S. Sigurðsson Frumherji Goggur frá Skáney 6,80
12 Árni Björn Pálsson Lífland Jötunn frá Hrappsstöðum 6,77
13 Daníel Jónsson Top Reiter Dáti frá Hrappsstöðum 6,70
14 Artemisia Bertus Auðsholtshjáleiga Hersveinn frá Lækjarbotnum 6,67
15 Ólafur Ásgeirsson Frumherji Líf frá Þúfu 6,63
16 Bylgja Gauksdóttir Auðsholtshjáleiga Grýta frá Garðabæ 6,60
16 Þórdís Erla Gunnarsdóttir Auðsholtshjáleiga Frægð frá Auðsholtshjáleigu 6,60
18 Teitur Árnason Árbakki / Hestvit Frakkur frá Laugavöllum 6,57
19 Viðar Ingólfsson Frumherji Bylgja frá Dísarstöðum 2 6,50
20 Halldór Guðjónsson Lýsi Klaki frá Blesastöðum 6,07
21 Ragnar Tómasson Lífland Hruni frá Breiðumörk 0,00

Dans frá Seljabrekku

Spennandi vertíð er að komast á fullt í hestamennskunni enda er spennandi Landsmótsár framundan. Í dag fór ég á fyrstu vetrarleika Geysis sem var haldnir í reiðhöllinni á Gaddstaðaflötum.

Hestakosturinn var mjög góður og ljóst að hart verður barist þetta árið eins og undanfarin ár.

Nokkrir hestar vöktu athygli mína en það voru Ringó frá Kanastöðum en hann var setinn af Dagbjörtu Hjaltadóttur og sýndi hún hestinn með stakri prýði.

Daníel Jónsson sýndi Font frá Feti af stakri prýði en hesturinn hefur ekki komið betri fram um langt skeið og hefur hann fallið í hálfgerða gleymsku en hann er vel ættaður (undan Roða frá Múla og Vigdísi frá Feti) flugrúmur og hreingengur.

Fontur frá Feti

En hestur mótsins var að mínu mati Dans frá Seljabrekku sýndur af Lenu Zelinski, en formið og fótaburðurinn er með því besta sem hægt er að ímynda sér þó svo að finna megi að því að hann mætti vera öruggari á yfirferðinni. Dans er undan Huginn frá Haga og Dögg frá Hjaltastöðum. Það eru fáir knapar sem forma hross í betri höfðuburð og Lena og er það að verða nokkurs konar einkenni á reiðmennsku hennar eins og Gola frá Þjósárbakka ofl.

Þetta var fínt mót hjá Geysismönnum sem gekk hratt og vel. Aðstaðan og veitingarnar úrvals.

Fín byrjun á keppnistímabili Geysis.

Alexander frá Lundum II

Stólpahryssan Auðna frá Höfða kastaði í sumar hestfolaldi undan Kvisti frá Skagaströnd. Folaldið er brúnblesótt og það er spennandi að fá toppættaðan hest í stóðhestaflóru framtíðarinnar. Eins og flestir ræktendur vita þá hefur Auðna skilað mjög álitlegum stóðhestum Arði, Auð og Asa. Ef að líkum lætur ætti þarna að vera á ferðinni álitlegur stóðhestur framtíðarinnar enda er Kvistur af mörgum talinn einn af mest spennandi stóðhestum af ungu kynslóðinni.

Folaldið hlaut nafnið Alexander frá Lundum II og samkvæmt áræðanlegum heimildum er víst búið að sækjast eftir leigu á honum nú þegar þrátt fyrir ungan aldur. Þegar Auðna var hjá Kvisti þá fylgdi henni líka hestfolald en það er brúnn hestur undan Vilmundi frá Feti sem ber nafnið Abraham frá Lundum II. Þetta eru stórkostleg nöfn á ættmikla hesta og gaman verður að fylgjast með þeim í framtíðinni.

Einnig verður spennandi að sjá Asa og Auð í vor. Jafnframt er spennandi að sjá hvort eitthver afkvæmi Kvists komi til dóms en örfá afkvæmi hans eru komin á tamningaraldur.

Stefnan er svo tekin á LM2010 í Skagafirði í elsta flokk stóðhesta. Gaman verður að fylgjast með honum í vetur en einnig verður bróðir hans í tamningu en það er Kompás frá Skagaströnd undan Sunnu og Hágangi frá Narfastöðum. Það er mjög álitlegur foli sem hefur staðið framarlega á ungfolasýningum.

Nánari upplýsingar í síma 8661230

Álfsbarn

Síðasta sónarskoðun hryssna hjá Álfi frá Selfossi fer fram þriðjudaginn 15.september n.k. og hefst kl. 13:00

Skoðunin fer fram í Langholti.

Álfur hefur varið mjög vinsæll í sumar eins og við var búist. Nokkur afkvæmi hans komu fram í vor en Það eru afkvæmi sem komu undir þegar hann var 2.vetra. Afkvæmi hans gerðu það gott og fóru m.a. tvær 4.vetra klárhryssun í 1.verðlaun.

Hryssueigendur eru vinsamlegast beðnir að koma og sækja hryssur sínar þar sem aðstaða til að geyma þær er takmörkuð.

Nánari upplýsingar í síma 866-1230

Sónarskoðað verður frá Asa frá Lundum II og Ágústínusi frá Melaleiti fimmtudaginn 3.sept kl.13.00

Eigendur hryssna eru vinsamlegast beðnir að vera tilbúnir að sækja hryssur sínar.

Nánari upplýsingar í síma 8661230

Alls voru 32 hryssur skoðaðar en hægt var að staðfesta fyl í 25 þeirra sem er um 80%. Kvistur fór í hryssur 23.júní og var því búinn að vera um 5 vikur í hópnum. Nokkara hryssur til viðbótar mjög líklega fengnar en með of ung fyl til að hægt væri að staðfesta fylið hjá þeim og verða þær því áfarm hjá hestinum þar til næst verður sónað.

Gaman er að geta þess að 20.vetra hryssa undan Hrafni frá Holtsmúla var meðal þeirra sem skoðaðar voru, en hún hefur aldrei átt folald. Þetta er sannkallaður reglubrjótur þar sem ekki er hægt að gera ráð fyrir því að fyl komi í svo aldna hryssu sem ekki hefur verið í folaldseign.

Sveinn Ingi Grímsson

Kvistur er klárlega mjög frjósamur, er næmur á hvenær hryssurnar eru í egglosi. Þetta gerir hann án þess að halda hryssunum samnan eða eiða mikilli orku til þessa.

Ráð er fyrir því gert að næsta skoðun verði eftir um 4 vikur eða um 25.ágúst. En þá verður langt liðið á sumarið og við því að búast að sumir hryssueigendur vilji ekki halda hryssum sínum svo lengi undir stóðhesti til að fá ekki folöld seinni hluta sumars á næsta ári. Reyndar skiptir það orðið minna máli með þeim aðbúnaði sem að flestir hesteigendur hafa búið hrossum sínum nú á dögum.

Fjöldi manns var við sónarskoðunina og gekk hún fljótt og vel. Líney kom færandi hendi og mætti á staðinn með brauðtertu og aðrar Hnallþórur eins og henni einni er lagið. Heimafólkið Ingibjörg, Sigurbára, Ágúst og Einar sáu til þess að allt gekk hratt og vel. Sveinn Ingi og sonur hans Friðþór mættu að sjálfsögðu, en það var Guðmar dýralæknir sem sónaði fyrri helminginn en hann var leystur af vegna anna og tók þá Mía við. Fór öllu þessu fólki verk sín frábærlega úr hendi. Eiga þau öll þakkir skyldar fyrir vel unnin störf en sérstaklega vil ég þakka fyrir þær frábæru veitingar sem þau hjónin Sveinn og Líney buðu upp á.