Foli.is

Sónarskoðað var frá Kvisti frá Skagaströnd í gær þriðjudaginn 28.júlí

Alls voru 32 hryssur skoðaðar en hægt var að staðfesta fyl í 25 þeirra sem er um 80%. Kvistur fór í hryssur 23.júní og var því búinn að vera um 5 vikur í hópnum. Nokkara hryssur til viðbótar mjög líklega fengnar en með of ung fyl til að hægt væri að staðfesta fylið hjá þeim og verða þær því áfarm hjá hestinum þar til næst verður sónað.

Gaman er að geta þess að 20.vetra hryssa undan Hrafni frá Holtsmúla var meðal þeirra sem skoðaðar voru, en hún hefur aldrei átt folald. Þetta er sannkallaður reglubrjótur þar sem ekki er hægt að gera ráð fyrir því að fyl komi í svo aldna hryssu sem ekki hefur verið í folaldseign.

Sveinn Ingi Grímsson

Kvistur er klárlega mjög frjósamur, er næmur á hvenær hryssurnar eru í egglosi. Þetta gerir hann án þess að halda hryssunum samnan eða eiða mikilli orku til þessa.

Ráð er fyrir því gert að næsta skoðun verði eftir um 4 vikur eða um 25.ágúst. En þá verður langt liðið á sumarið og við því að búast að sumir hryssueigendur vilji ekki halda hryssum sínum svo lengi undir stóðhesti til að fá ekki folöld seinni hluta sumars á næsta ári. Reyndar skiptir það orðið minna máli með þeim aðbúnaði sem að flestir hesteigendur hafa búið hrossum sínum nú á dögum.

Fjöldi manns var við sónarskoðunina og gekk hún fljótt og vel. Líney kom færandi hendi og mætti á staðinn með brauðtertu og aðrar Hnallþórur eins og henni einni er lagið. Heimafólkið Ingibjörg, Sigurbára, Ágúst og Einar sáu til þess að allt gekk hratt og vel. Sveinn Ingi og sonur hans Friðþór mættu að sjálfsögðu, en það var Guðmar dýralæknir sem sónaði fyrri helminginn en hann var leystur af vegna anna og tók þá Mía við. Fór öllu þessu fólki verk sín frábærlega úr hendi. Eiga þau öll þakkir skyldar fyrir vel unnin störf en sérstaklega vil ég þakka fyrir þær frábæru veitingar sem þau hjónin Sveinn og Líney buðu upp á.

Álfur og Varmalækjargrána

Í gær 21.júlí var sónað frá Álfi frá Selfossi. Skoðunin fór fram í Langholti en að henni komu Viðja Hrund Framkvæmdastjóri Hvítárhesta, Guðmundur “heppni” Guðmundsson Húskarl í Langholti, Páll Stefánsson Dýralæknir og hrossaræktandi og undirritaður Óðinn Örn.

Rekið ver heim í Langholt en stuttu áður var hesturinn tekinn úr hópnum og tekinn inn í Langholti. Smalamennskan gekk eins og í lygasögu en rólega var farið þar sem margar þessara hryssna eru ekki í neinu hlaupaformi. Framkvæmdir standa yfir í ræsagerð á Langholtsvegi og þurftu starfsmenn að taka tillit til okkar sem þeig gerðu. Eiga þeir þakkir skyldar fyrir það.

Álfur var settur í hryssurnar mánudaginn 22.júní og vantaði því einn dag upp á að hafa verið í hópnum í mánuð. Alls voru skoðaðar 31 hryssur en hægt var að staðfesta fyl í 20 þeirra sem er mjög gott eftir svo stuttan tíma. Hann er mjög frjósamur og hefur staðið sig vel allt frá því að hann var tryppi. Til gamans má geta þess að sónað var um daginn undan 2.vetra syni hans Hákoni frá Ragnheiðarstöðum og er hann eins og pabbi sinn mjög frjósamur. Enda er góð frjósemi einn af grundvallar þáttum búfjárræktar.

Áki frá Valhöll undan Kvisti

Nóg hefur verið að gera hjá Kvisti frá Skagaströnd en útlit er fyrir að um 60 til 70 hryssur fari undir hann þetta árið. Fyljun á húsmáli var mjög góð eða um 90% en meðal hryssna sem sem eru fylfullar eftir húsmál eru Nánd frá Miðsitju, Brynjar frá Árbæ og Þruma frá Hólshúsum.

Fullt hefur verið hjá Kvisti fram að þessu en sónað verður frá honum í næstu viku og þá verður bætt við hryssum í samræmi við þann fjölda sem staðfestur með fyli frá honum. Þeir sem eru með hryssur klárar vinsamlegast hafið samband í síma 866-1230.

Um 60 afkvæmi Kvists fæðast þetta árið og líta þau vel út. Hann er mjög sterkur á frábært samræmi (er með 9,0 sjálfur) frampartur er líka góður en einnig eiga þau mikla skrefstærð sameiginlegt.

Hefur undirritaður séð þó nokkur afkvæmi og gert tilraun til að mynda sem flest af þeim. Gunnar og Krissa í Lesa meira »

Kominn í hólf í Auðsholti

Nú er bráðgóður Fjórðungsmóti Vesturlands lokið en undirritaður fór á föstudag vestur og skemmti sér mjög vel. Talsvert var af góðum hestum en spennandi stóðhestar eru það sem heillar mig eins og svo marga mest.

Af stóðhestum þá voru það tveir Steinneshestar sem náðu vel til margra en það voru þeir Kiljan og Dofri frá Steinnesi. Mjög heillandi sonur Gusts frá Hóli sem Þytur heitir og er frá Skáney en hann hefur marga kosti frá föðurnum en fegurð og fas Skáneyjarhrossanna. Askur frá Tunguhálsi kom einnig vel fyrir en hann er sonur Asks frá Kanastöðum og sýnir enn og aftur hve mögnuð Askja frá Miðsitjum er. Uggi frá Bergi var góður hjá Jóa en þar fer kraftmikill alhliða hestur. Grásteinn frá Brekku kom einnig vel út og bætir Gustur gamli þar enn einni skrautfjöðrinni við í hatt sinn.

Asi frá Lundum stóð efstur í 4.vetra flokki með 8,41 í alaleinkunn og vantaði lítið upp á að gera betur en það. Hugsanlega voru það mistök að stilla honum upp Lesa meira »

Asi í Víðidal/Maí 2009

Asi frá Lundum er efstur í 4.vetra flokki stóðhesta á FM Vesturlands með 8,41 í aðaleinkunn en yfirlit er á laugardag. Gaman verður að fylgjast með hvort hann hækkar þá en hann vantar 0,01 til að jafna besta árangur sem 4.vetra stóhestur hefur náð frá upphafi. Ganglag hans gefur vísbendingar um að hann búi yfir skeiði en ef svo er þá gæti stefnt í “heimsmet” í kynbótadómi.

Gaman hefur verið að fylgjast með hve örar framfarir eru í hrossaræktinni og ótrúlegt að sjá hversu góð þessu ungu hross eru orðin. Margir hefðu ekki látið sig dreyma um þá að 4.vetra hross gætu orðið svo góð sem raun er orðin. Allt leggst þar á eitt framfarir í ræktun, reiðmennsku/tamningu og uppeldi/atlæti.

Áfram heldur velgengnin á Hrossaræktarbúinu Lesa meira »